Layihə Açıqlaması
Mir Möhsün Nəvvab Qarabağinin qəbirüstü abidəsi - Şuşa Dövlət Tarix-Memarlıq Qoruğuna aid ölkə əhəmiyyətli monumental abidə. 1960-cı ildə UNESCO-nun xətti ilə Mir Möhsün Nəvvab Qarabağinin qəbri üzərində qırmızı mərmərdən abidə-barelyef qoyulub. Abidə Azərbaycan Respublikası Mədəniyyət Nazirliyi tərəfindən ölkə əhəmiyyətli tarix-mədəniyyət abidəsi kimi qeydiyyata alınmışdır. 1992-ci ildə Şuşa ermənilər tərəfindən işğal edildikdən sonra abidə tamamilə dağıdılıb.
Cıdır düzündə yerləşən məzar və qəbirüstü abidə Heydər Əliyev Fondu tərəfindən bərpa olunub. 2023-cü ilin mart ayından ərazidə müvafiq işlərə başlanılıb və qəbirüstü abidə bərpa olunub.